وكان محمد رضا بوبو، شن هجوما على إدارة فيوتشر عبر صفحته على موقع
التواصل الاجتماعي “فيس بوك” قائلا: “خلاص مبقتش قادر أصبر
أكتر من كده بصراحة، حتى لو العواقب كتير ولو هيحصل إيه،
المهم اهدي النار اللي جوايا شويه عشان أكون حتى ارتحت من جوايا وكده كده ربنا موجود وهيجبلي حقي”.
وأوضح: “أنا كنت خلصت وجالي اتصال تعالى ضروري النادي عشان
تمضي الاستغناء بتاعك عشان خلاص انت مشيت قولت حاضر وركبت عربيتى وطلعت علي النادي”.
وأضاف: “الساعة 11 بليل الناس قبلتنى في النادي وقالولي عامل
إيه يا رضا عايزينك تمضي ورقتين ورقة مخالصة والاستغناء
قولتلهم الاستغناء حاضر همضي مفيش مشكله امال إيه اللي يخليني امضي مخلصه
وأنا ليا 4 مليون 200 الف جنيه، في واحد لاداعي لذكر اسمه لأنه ده ميعرفش ربنا طبعا
قعد يكلمني ولازم تمضي ولازم تمضي اقوله ازاي ياكابتن امضي مخالصة وانا ليا فلوس
قولت مش همضي ومشيت ومضيت علي الاستغناء جالي اتصال امضي وانت فلوسك عندي
ومتقلقش امضي وانت وزملائك اللي ماشييين هنيجي ونسلم عليكم وتاخدو الشيك بالدولار زي
باقي الفرقة ونشكركم اكيد يعني قال اه امضى بس اتفقت مع الاتنين الي كانو معايا عشان
كنا متفقين اننا هنعمل كل حاجه بالإتفاق مع بعض فقالوا هنضمي كلنا ونروح التلات ناخد الفلوس
مضينا علي الورقه ومكناش مدين اي خوانه لحاجة جه يوم التلات لقينا اللعيبه كلها صحبنا
اللي في الفرقه طلعلهم فلوس وكل واحد شيك ماعدا احنا التلاته والتلاته المعارين اللي مشيو من النادي”.
وأعلن نادي بيراميدز حصوله على خدمات لاعب الوسط الدولي محمد رضا بوبو قادما من صفوف نادي فيوتشر.
ويعد محمد رضا بوبو واحدا من أهم لاعبي الوسط في
الكرة المصرية خلال الفترة الماضية، وإضافة هائلة لفريق بيراميدز،
الذي يستعد لبدء مشواره في منتصف شهر سبتمبر المقبل، في بطولة دوري أبطال أفريقيا،
بجانب المشاركة في الدوري والسوبر المصري للأبطال، وكذلك نسختي كأس مصر القديم والجديد.
وبوبو من مواليد ١٠ نوفمبر عام ٢٠٠٠، وبدأ مشواره في صفوف نادي وادي دجلة قبل أن ينتقل إلى صفوف فيوتشر،
وأتم مؤخرا انتقاله إلى نادي بيراميدز ليبدأ فصلا جديدا في مشواره مع كرة القدم.
ولعب بوبو ١٣٩ مباراة في الدوري الممتاز سجل خلالها ١٤ هدفا
وصنع ٩ أهداف أخرى، وكذلك ٧ لقاءات في بطولة كأس مصر سجل
خلالها ٣ أهداف وصنع هدفين آخرين، كما لعب ٨ مباريات في بطولة كأس الكونفدرالية الأفريقية.
وسجل بوبو مشاركته الدولية الأولى يوم ١٨ يونيو الماضي بقميص المنتخب المصري الأول
بعدما شارك في ودية جنوب السودان والتي انتهت بفوز الفراعنة بثلاثة أهداف دون مقابل.
